Վյուրտ Գրուպը սկսել է իր գործունեությունը 1945 թ-ին որպես պտուտակների մեծածախ վաճառքով զբաղվող կազմակերպություն։ Կազմակերպության պատմությունը անքակտելիորեն կապված է ձեռնարկատեր պրոֆ․ Ռայնհոլդ Վյուրտի հետ։ Նրա ղեկավարության ներքո կազմակերպությունը դարձավ շուկայի առաջատար միակցման և ամրակման նյութերի ոլորտում։

Բիզնեսը հիմնադրվել է 1945 թ․-ի ամռանը Ադոլֆ Վյուրտի կողմից Բադեն-Վյուրթենբերգի Կյունցելսաու քաղաքում։  Նրա որդին նրան ուղեկցել և օգնել է հիմնադրման օրվանից, ով 1949 թ․-ի հոկտեմբերի 1-ին պաշտոնապես միացել է բիզնեսին որպես կազմակերպության երկրորդ աշխատակից և առաջին աշակերտ։

1951 թ․-ի հունվարին նա առաջին անգամ միայնակ մեկնում է իր առաջին գործուղմանը։ 15 տարեկան երիտասարդը պետք է նոր հաճախորդներ փնտրեր Դյուսելդորֆում։ 1952 թ․-ին նա ավարտում է առևտրային դասընթացը։ Երբ 1954 թ․-ին 45 տարեկան հասակում Ադոլֆ Վյուրտը մահանում է, Ռայնհոլդ Վյուրտը 19 տարեկանում իր ձեռքն է վերցնում բիզնեսի կառվարման գործը։ Այդ ժամանակ կազմակերպությունն ուներ երկու աշխատակից և 80,000 եվրոյի տարեկան վաճառք։

Ռայնհոլդ Վյուրտը ղեկավարում է կազմակերպությունը իր հեռատեսությամբ, ինչը շուտով բերում է իր առաջին պտուղները։ 1962 թ․-ին հիմնադրվում է առաջին դուստր կազմակերպությունը Նիդեռլանդներում, որին հետևում է նոր կազմակերպությունների հիմնադրումը Շվեյցարիայում, Ավստրայում, Իտալիայում և այլ երկրներում։ 1969 թ․-ն Ռայնհոլդ Վյուրտը համարձակվում է անցնել Անտլանյան օվկիանոսը դեպի Հյուսիսային Ամերիկա։ Մեկ տարի անց Վյուրտն իր գործունեությունն է ծավալում Հարավային Աֆրիկայում։ Ավստրալիայում (1982), Ճապոնիայում և Մալազիայում (1987) կազմակերպությունների ձևավորմամբ Վյուրտն իր ներկայությունն է հիմնում բոլոր մայցամաքներում։

1994 թ․-ին Ռայնհոլդ Վյուրտը հեռանում է բիզնեսի ուղղակի կառավարումից և զբաղեցնում է Վյուրտ Գրուպի խորհդի նախագահի պաշտոնը։ 2006 թ․-ի մարտի 1-ին նրա դուստր Բետտինա Վյուրտը դառնում է նրա հետնորդը նույն պաշտոնում։ Ռայնհոլդ Վյուրտը շարունակում է մնալ Վյուրտ Գրուպի ընտանեկան հիմնադրամի վերահսկիչ խորհրդի նախագահ։

Առաջին իսկ օրվանից Վյուրտ Գրուպը ընտանեկան բիզնես է եղել՝ կրելով միջազգային բնույթ։ Այժմ կազմակերպությունն ունի ավելի քան 73,000 աշխատակից ողջ աշխարհում։ Ուղղակի վաճառքը միշտ եղել է կազմակերպության հաջողության շարժիչ ուժը։ 32,000 վաճառքի խորհրդատու ողջ աշխարհում ամեն օր այցելում են 300,000 հաճախորդի։ Անմիջապես հաճախորդների հետ շփվելով՝ կազմակերպությունը գիտի նրանց պահանջները և կարող է համապատասխանեցնել իր ապրանքներն ու ծառայությունները այնպես, որ թեթևացնի իր հաճախորդների հոգսերը։ Պրոֆ․ Ռայնհոլդ Վյուրտի կարգախոսերից մեկն է․ «Մեր հաճախորդներին բավարարելը բավական չէ, մենք ուզում ենք ոգեշնչել նրանց»։