Պատվավոր դոկտոր պրոֆեսոր Ռայնհոլդ Վյուրտ

Վյուրտ ընտանեկան հիմնադրամի վերահսկիչ խորհրդի նախագահ

Վյուրտ Գրուպի կառուցումը պատվավոր դոկտոր պրոֆեսոր Ռայնհոլդ Վյուրտի (84 տարեկան) կյանքի գործն է և Գերմանիայի տնտեսական պատմության մեջ հաջողված պատմություններից մեկը։ 1945 թ․-ին Ադոլֆ Վյուրտը Գերմանիայում հիմնադրում է Ադոլֆ Վյուրտ ՍՊԸ-ն, որը հանդիսանում է Վյուրտ Գրուպի մայր կազմակերպությունը։ 1954 թ․-ին հոր վաղաժամ մահից հետո Ռայնհոլդ Վյուրտը, ներկայումս Վյուրտ ընտանեկան հիմնադրամի վերահսկիչ խորհրդի նախագահ, 19 տարեկան հասակում իր ձեռքն է վերցնում կազմակերպության կառավարումը։ Սկսելով իր գործը հետպատերազմական Գերմանիայում՝ Ռայնհոլդ Վյուրտը երկու աշխատակից ունեցող բիզնեսը տարիների ընթացքում վերածեց աշխարով մեկ գործող առևտրային կազմակերպությունների խմբի։

Ի սկզբանե Ռայնհոլդ Վյուրտը ստեղծել է կորպորատիվ մշակույթ, որը առանձնանում է այնպիսի արժեքներով, ինչպիսիք են լավատեսությունը, կենսունակությունը, մեծ հարգանքը աշխատակիցների, նրանց ձեռքբերումների նկատմամբ և հաճախորդներին լավագույն սպասարկում առաջարկելու ցանկությունը։ Հենց այս մշակույթն է շարժիչ ուժ հանդիսանում ընտանեկան բիզնեսի հաջողության համար։ Նրա դուստր Բետինա Վյուրտը՝ Վյուրտ Գրուպի խորհրդի նախագահը, հետևում է, որ այս արժեքները կիրառվեն և խորապես ներդրված լինեն կազմակերպության գործունեության հիմքում։

2014 թ․-ին Վյուրտ Գրուպը նշեց Ռայնհոլդ Վյուրտի՝ կազմակերպությունում 65 տարի ծառայության տարելիցը։ 2015 թ․-ին նշվեց միանգամից երկու նշանակալից տարելից՝ Ռայնհոլդ Վյուրտի 80-ամյակը և Ադոլֆ Վյուրտ ՍՊԸ 70-ամյակը։

Հավակնոտ, ստեղծարար, տեսլական ունեցող, աշխատասեր և նպատակասլաց․ այս հատկանիշներն են բնութագրում Ռայնհոլդ Վյուրտին։ Սակայն այս զբաղված ձեռնարկատիրոջ հետևում կանգնած է մի մարդ, ով ի լրումն իր աշխատանքի սիրում է նաև կյանքը, ունի հումորի զգացում և սիրում է կատակել։