Վյուրտ Գրուպը երկար ժամանակ աջակցում է սպորտի զարգացմանը: Վյուրտ Գրուպը կարծում է, որ սպորտը կապում է տարբեր երկրների մարդկանց, ինչպես պտուտակները կամ ամրակները միմյանց կապում են տարբեր դետալներ: Առանց այդ կապող տարրերի աշխարհը պարզապես մասերի կբաժանվի:

Թիմային ոգին, առաջադրանքը կատարելու պատրաստակամությունը սպորտի էական հատկանիշներն են, արժեքներ, որոնք նաեւ Würth Group- ի կորպորատիվ մշակույթի բաղադրիչներն են: Սպորտի  հովանավորությամբ զբաղվում է ոչ միայն Վյուրտ Գրուպը, այլ նաև Վյուրտ դուստր կազմակերպությունները այլ երկրներում։

2013 թվականից Վյուրտ Գրուպը APRC-ի (Asia Pacific Rally Championship) պաշտոնական մատակարարն է: Վյուրտ ապրանքատեսականին և տեխնիկական խորհրդատվությունը հասանելի է մասնակիցներին յուրաքանչյուր APRC միջոցառման ժամանակ։

Կազմակերպությունը հովանավորել է ֆուտբոլային խաղերը 90-ականներից ի վեր։ Այս սպորտաձևը լիովին համապատասխանում է կազմակերպությանը, քանի որ այն ունի թիմային ոգի, արդարության և լավագույնը տալու հատկանիշներ, որոնք շեշտադրված են եղել Վյուրտ Գրուպի գործունեության ողջ ընթացքում։
 

Վյուրտ Գրուպը հովանավորում է նաև ձմեռային սպորտաձևերը (ալպյան լեռնադահուկային սպորտ, բիաթլոն, լեռնադահուկային ցատկ, սկանդինավյան համադրություն (լեռնադահուկային ցատկի եւ վազքի խառնուրդ)), ինչպես նաև սուսերամարտը։ Նույնիսկ ավելին, 1999 թ․-ին հիմնադրվել է սուսերամարտի Վյուրտ Կյունցելսաու ակումբը։ Այնտեղ Հոհենլոհե շրջանի երեխաներն ու դեռահասները սուսերամարտի մարզումների են հաճախում։ Ակումբը լավագույնն է Գերմանիայի սուսերամարտի ակումբների շարքում և ունի մեդալներ Եվրոպայի առաջնություններից։