Վյուրտ Գրուպը գերմանական առաջին ընկերություններից էր, որ Հայաստանում կատարեց ներդրում՝ հիմնելով իր մասնաճյուղը 1997թ. նոյեմբերին: Իր քսանամյա պատմության ընթացքում ընկերությանը հաջողվեց ակտիվ կերպով հաստատվել, իր կայուն դիրքերն ունենալ և լուրջ մրցակցի համբավ ձեռք բերել հայաստանյան շուկայում:

Առաջնորդվելով Վյուրտ Գրուպի հարուստ ավանդույթներով՝ հայաստանյան մասնաճյուղն իր օրեցօր ավելացող հաճախորդներին է առաջարկում բարձրակարգ ծառայությունների մի ամբողջ փաթեթ. կոմպետենտ խորհրդատվություն՝ վաճառքի խորհրդատուների միջոցով, հաճախորդների պատվերների արագ մշակում, անվճար առաքում, երաշխիքային և ետերաշխիքային սպասարկում, զեղչերի ճկուն համակարգ և առցանց խանութ:

Մեր թիմը նպատակադրված աշխատում է երկարաժամկետ և կայուն կորպորատիվ հարաբերությունների հաստատման ուղղությամբ: Մեր հաճախորդները բարձր են գնահատում թե՛ մեր ապրանքների որակը, թե՛ մեր կողմից մատուցվող ծառությունները:

Ներկայումս ընկերությունը հայ սպառողին առաջարկում է շինարարության, արդյունաբերության, մետաղամշակման, փայտամշակման, սննդի և խմիչքի արտադրության, հեռահաղորդակցության և մոնտաժային աշխատանքների բնագավառում օգտագործվող բարձրորակ ապրանքներ՝

- աշխատանքային արտահագուստ միջազգային անվտագության ստանդարտներին համապատասխան

- ձեռքի, էլեկտրական և օդով աշխատող գործիքներ և սարքավորումներ,

- քիմիական նյութեր,

- շարժիչային, տրանսմիսիոն, հիդրավլիկ և արդյունաբերական յուղեր,

- քսայուղեր

- ավտոկոսմետիկա և խնամքի պարագաներ

- ավտոմեքենաների տեխսպասարկման նորագույն սարքավորումներ,

- կահույքագործության մեջ օգտագործվող և մոնտաժային դետալներ,

- ամրակման դետալներ

- պահուստավորման ժամանակակից համակարգեր և այլն:

2017 թ-ին կազմակերպությունը նշեց իր քսանամյակը Հայաստանում: Մեր հաճախորդների ցանկն իր մեջ ներառում է Հայաստանի խոշորագույն արդյունաբերական, արտադրական, բեռնափոխադրող, շինարարական կազմակերպություններ, տպարաններ, հյուրանոցներ և այլ գործունեություն ծավալող ընկերություններ, և նրանցից յուրաքանչյուրը գիտի, որ մենք միշտ նրանց կողքին ենք ծագած խնդիրների լավագույն լուծումներով և նրանց կարիքները բավարարող լավագույն առաջարկներով։